Abdixhiku refuzon takimin me Kurtin

0
166

Kryetari i Lidhjes Demokratike të Kosovës, Lumir Abdixhiku ka refuzuar të takohet me kryeministrin, Albin Kurti për të diskutuar lidhur me procesin e vettingut.

Kjo është bërë e ditur nga vet zyra e kryeministrit.

Ndërsa Aleanca për Ardhmërinë e Kosovës ka konfirmuar pjesëmarrjen, kurse nga LDK-ja i kanë thënë Kurtit se kontributin e tyre do ta japin në kuvend.

“Me qëllim të njoftimit të mëtejmë lidhur me këtë proces, koordinimit të përbashkët dhe përfshirjes së gjithë akterëve, Kryeministri Kurti u ka bërë ftesë krerëve të partive parlamentare të opozitës: Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës. Aleanca për Ardhmërinë e Kosovës ka konfirmuar takimin me Kryeministrin Kurti, ndërsa nga Lidhja Demokratike e Kosovës kanë deklaruar se do të japin kontributin e tyre në Kuvendin e Kosovës”, thuhet në njoftimin e zyrës së kryeministrit.

Kryetari i Partisë Demokratike të Kosovës, Memli Kransiqi ka takuar sot kryeministrin Albin Kurti në Kuvendin e Kosovës për të diskutuar për procesin e vettingut në sistemin e drejtësisë.