Ahmeti për Kurtin dhe Mustafën: Nuk kam frikë të ulem me asnjërin nëse e kanë për interes të shtetit

0
57

Kryetari i PSD-së, Shpend Ahmeti, ka thënë se nuk kanë asnjë marrëveshje me AAK-në për ta mbajtur në këmbë Qeverinë e drejtuar nga Ramush Haradinaj.

“Besnik Tahiri më ka thirr dhe më ka kërkuar falje se është keqkuptuar. Më ka thënë se fjalën e ka pasë për buxhetin. Ne kemi pasë kushtet tona për ta votuar buxhetin. Po të mos i kishim ne kushtet tona do t’i kishte Listës Serbe dhe çmimi që do të paguante Kosova do të ishte shumë i madh”.

“Në asnjë mënyrë nuk kemi kurrfarë marrëveshje me AAK-në. Nga fillimi kemi deponuar nënshkrimet për rrëzimin e kësaj qeverie. Kemi thënë vazhdimisht se LDK dhe VV nuk na kanë ftuar, nuk kanë dhënë nënshkrime dhe na kanë akuzuar. Dje thash që mirëpresim këtë iniciativë për të diskutuar shtruar. Me më pyet mua sot është vonë, dje është dashtë të rrëzohet kjo Qeveri. Do të ishte mirë që të dakordohemi menjëherë. Mendoj se duhet diskutuar. Nuk mund të përfundojmë në një koalicion PDK-LDK. Duhet diskutuar modalitetet”, ka thënë Ahmeti, njofton Klan Kosova.