Aksioni “Subvencioni 2021” vazhdon, deri më tani 22 të arrestuar

0
143

Krimet Ekonomike sot kanë vazhduar aksionin “Subvencioni 2021”, me ç’rast deri më tani Sinjali mëson se janë arrestuar 22 persona, katër prej tyre në komunën e Istogut, të cilët dyshohen për keqpërdorim të detyrës zyrtare.

Katër zyrtarët e drejtorisë së Bujqësisë, që u arrestuan në Komunën e Istogut janë Valbona Kaliqani, Adrian Ramqaj, Jeton Sylaj dhe Granit Lubeniqi.

Të arrestuarit dyshohen për mashtrim me subvencione dhe tashmë po intervistohen në Polici.

Ndërkaq nga Policia e Kosovës kanë konfirmuar për Ballkani.info se operacioni policor është duke u realizuar.

“Mund të konfirmojmë se Policia e Kosovës, në këtë rast Drejtoria për Hetimin e Krimeve Ekonomike dhe Korrupsionit është duke e realizuar një operacion policor, ku pas përfundimit do të jipen informacione shtesë.”

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.