Bajrami: Votimi i buxhetit eviton krizën, të miratohet edhe në lexim të dytë

Ministrja në detyrë e Financave, ka thënë se deputetët e Kuvendit të Republikës së Kosovës treguan përgjegjësi të lartë institucionale përmes votimit të këtij projektligji të rëndësishëm duke evituar kështu një krizë të panevojshme buxhetore për vitin që po hyjmë.

Përmes një postimi në Facebook, Bajrami ka ftuar ata që edhe në seancën e nesërme ta votojnë edhe leximin e dytë të këtij projektligji.

Postimi i plotë:

Të nderuar,
Në seancën e sotme, Kuvendi i Republikës së Kosovës miratoi në lexim të parë projektligjin e buxhetit 2021. Dëshiroj të falënderoj deputetët e Kuvendit të Republikës së Kosovës që treguan përgjegjësi të lartë institucionale përmes votimit të këtij projektligji të rëndësishëm duke evituar kështu një krizë të panevojshme buxhetore për vitin që po hyjmë. Ftoj deputetët që në seancën e nesërme ta votojnë edhe në lexim të dytë projektligjin e buxhetit për vitin 2021.

Lajmi tjetër i mirë nga seanca e sotme është edhe miratimi i dy projekligjeve të rëndësishme, si: Projektligji Nr. 07/L-035 për Ratifikimin e Marrëveshjes së Kredisë për likuiditet të urgjencës së infrastrukturës vitale, ndërmjet Republikës së Kosovës dhe Bankës Evropiane për Rindërtim dhe Zhvillim, dhe Projekligji Nr. 07/L-036 për Ratifikimin e Kontratës Financiare ndërmjet Republikës së Kosovës dhe Bankës Evropiane për Investime për Projektin e Impiantit të Ujërave të Zeza në Gjilan. /Fokusi.info/

Lini një Përgjigje