Besim Hasani, kapiten nga Policia e Kosovës, është një nga të diplomuarit në Akademinë e FBI në Quantico.
Në ceremoninë e diplomimit të gjeneratës 227 në atë akademi, drejtori i FBI, Christopher Wray i’a dorëzoi diplomën Hasanit.
Vlora Çitaku përmes një postimi në Facebook tha se u ndje krenare pasi që ishte mysafire në atë ceremoni.
“Mu bë zemra mal kur para shumë mysafirëve të zgjedhur, u thirr emri i Besimit dhe i Kosovës”, shkroi Çitaku.
Postimi i plotë:
“Ndjenjë e pafund krenarie sot teksa isha mysafire në ceremoninë e diplomimit të gjeneratës 227 në Akademinë e FBI në Quantico.
Besim Hasani, kapiten nga policia e Kosovës, ishte një nga të diplomuarit nga ky insitucion elitar.
Mu bë zemra mal kur para shumë mysafirëve të zgjedhur, u thirr emri i Besimit dhe i Kosovës.
Krenari kur pashë Drejtorin e FBI Christopher Wray tek ia dorëzon diplomën kapitetit tonë.”