Bie nga sistemi Twitter

0
78

Përdoruesit e rrjetit social, Twitter, kanë raportuar se janë duke pasur probleme në përdorimin e llogarive të tyre në këtë platformë.

Shumica e përdoruesve raportuan se atyre i shfaqet vetëm ekrani me ngjyrë të kaltër, në të cilën shkruhet “Teknikisht diçka nuk është në rregull”. Gjithashtu shfaqet edhe një mesazh nga Twitter, në të cilin shkruhet “Faleminderit që e vërejtët – do ta rregullojmë dhe do ta kthejmë në normalitet së shpejti”.

Të gjitha këto raportime kanë ardhur gjatë ditës së enjte, e që mendohet se problemet e para filluan që nga ora 10:46 të mëngjesit, transmeton Gazeta Express.

Rrjeti social Twitter, është ndër platformat më të mëdha në internet. Në këtë platformë, shkruajnë shumica e politikanëve, e ndër politikanët që e përdorë Twitterin më së shumti është presidenti i Shteteve të Bashkuara të Amerikës, Donald Trump.

Sa herë që ndodh që ndonjë rrjet social si Facebook ose Instagram të bien, lajmërimet bëhen në Twitter, por kësaj here ka rënë ai vetë.