Dalin pamjet e rënda të aksidentit të sotëm në Prishtinë

0
697

Një person i moshuar është goditur nga një veturë në vendkalimin për këmbësor në rrugën “Vëllezërit Fazliu” në Prishtinë. Viktima ka marrë lëndime trupore dhe i njëjti është dërguar në Qendrën Klinike Universitare për tretman mjekësor.

Lajmin për Indeksonline e ka konfirmuar edhe zyrtarja për informim e policisë rajonale, Flora Ahmeti.

“Sot rreth orës 11:00 kemi pranuar informatën për një aksident trafiku në rrugën “Vëllezërit Fazliu” në Prishtinë. Në këtë aksident janë përfshirë një automjet dhe një këmbësor. Si pasojë e aksidentit lëndime trupore ka pësuar këmbësori A.M, mashkull, i cili është dërguar për tretman mjekësor në QKUK”, ka deklaruar ajo.

Me rastin, ajo thotë se tani po merret njësiti i trafikut ndërkohë në rrjetet sociale po qarkullojnë edhe video të këtij aksidenti ku shihet i moshuari teksa përplaset nga vetura.