Dëshmorët kanë veç ditëlindje

Shkruan Bedri Tahiri

Në nderim të dëshmorit Gëzim Rasim Rama!

DËSHMORËT KANË VEÇ DITËLINDJE

Tashmë dihet se dëshmorët kanë veç ditëlindje. Ata janë të pavdekshëm dhe jetojnë në Përjetësi. I tillë është edhe Gëzim Rasim Rama nga Kolla e Qyqavicës, e cila, në vazhdimësi i dha jetë lirisë. Gëzimi, sot i mbushi 20 vjet që zuri vend në Altarin e Lirisë.

Dhe, djaloshi sypatrembur, i ushqyer me qumësht ambrozi të Zanave të 77 lugjeve e gurrave të Qyqavicës mitike katilëve u mori gjak mbi vetull, më 10 prill 1999 në Strofc, sepse kishin guxuar të shkelnin në vatrat stërgjyshore, të lara me gjak që nga lashtësia.

Gjaku i Tij i njomë solli Lirinë, për të cilën vendlindja e tij ishte djegur më shumë se tri herë, e gjyshi i tij, Salih Hajrullahu- Kolla e pati shikuar vdekjen në sy dhe i kishte thënë: Plaç!

Sot, më 10 prill 2019, Gëzimi, u përjetësua dyfish: Në vendrënie, në Strofc, u ngrit Lapidari i pavdekësisë dhe Presidenti Hashim Thaçi e dekoroi me Urdhrin HERO I KOSOVËS!

Lavdi dëshmorit Gëzim Rasim Rama!

Lavdi të gjithë të rënëve për Liri!

Lini një Përgjigje