Deti mund të konsiderohet një ilaç i vërtetë për trupin dhe mendjen. Ai është padyshim protagonisti kryesor i pushimeve verore dhe një zgjedhje e mirë nga shumë pikëpamje, duke pasur parasysh gjithashtu se nuk është vetëm argëtim, por edhe shëndeti i të rriturve dhe i fëmijëve.
Por cilat janë përparësitë e atyre që kalojnë disa orë ose pak ditë në bregdet?
1. Vitamina D
Dielli na lejon të sintetizojmë vitaminën D, një substancë shumë e rëndësishme për trupin tonë, ajo është thelbësor për shëndetin e kockave, ndihmon që të kemi lëkurë të shëndetshme dhe gjithashtu përmirëson funksionet mendore. Është e vështirë t’a marrim këtë vitamine vetëm nga ushqimi. Prandaj kalimi i kohës në det na lejon të marrim këtë substancë. Filtrat diellorë në fakt e bëjnë të pamundur sintetizimin e vitaminës D, kështu që në orët më pak të nxehta të ditës është mirë që të marrim rreze dielli pa mbrojtje për rreth 15-20 minuta.
2. Për lëkurë të shëndetshme dhe të re
Rëra e lagur vepron si një lulëzim natyral dhe largon qelizat e vdekura nga këmbët duke e lënë lëkurën të butë, të shëndetshme dhe të rinovuar. Mënyra ideale për të shijuar këtë përfitim është kalimi çdo ditë në rërën e butë pranë bregut. Gjithashtu duhet thënë se uji i detit ndihmon për të përmirësuar elasticitetin e lëkurës, pasi ai përmban shumë minerale me fuqi kundër plakjes. Edhe rrezet UV të diellit veprojnë në lëkurë duke e tharë atë dhe kjo mund të jetë një ndihmë e madhe, sidomos për njerëzit që vuajnë nga psoriasisi dhe probleme të tjera dermatologjike.
3. Përmirëson depresionin dhe humorin
Deti dhe dielli janë antidepresantë të fuqishëm natyrorë. Pushimet për disa ditë në kontakt me natyrën mund të përmirësojnë humorin dhe të largojnë depresionin. Nuk është rastësi që njerëzit kanë tendencë të jenë më të lumtur në muajt e nxehtë, kur ka prezencë më të madhe të rrezeve diellore, duke pasur efekt pozitiv ndaj stresit, por gjithashtu edhe për gjumin dhe oreksin.
4. Zvogëlon nivelin e stresit
Rëra dhe deti janë ndihmës për të shkëputur nga jeta e përditshme dhe për të zvogëluar nivelet e stresit që grumbullohen çdo ditë. Do të ishte mirë për të shijuar detin dhe rërën duke ecur dhe eksploruar natyrën përreth, pasi kjo gjë ofron qetësi në sistemin tonë nervor. Gjithashtu është shumë efektive që të ecim zbathur në rërë, pasi stimulohet sistemi nervor dhe shqisat tona ndijore.
5. Qetëson ankthin
Zhurma e detit është shumë e dobishme për sistemin tonë nervor. Dëgjimi i valëve që përthyhen në breg mund ta qetësojë ankthin dhe të na ofrojnë gjendje të relaksuar që lejon lëshimin e dopaminës dhe serotoninës.
6. Promovon aktivitetin fizik
Pushimet në det janë aktive, pasi ato në përgjithësi shoqërohen me shëtitjet e përditshme në rërë ose në ujin e detit, qoftë duke notuar, duke vrapuar, duke luajtur volejboll, ose duke kryer aktivitete të ndryshme. Në këtë mënyrë jemi në gjendje të mbajmë veten më mirë duke shmangur jetën sedentare të përditshmërisë dhe shtimin në peshë. Ecja në rërë është gjithashtu një ushtrim i shkëlqyer për muskujt e këmbëve.
7. Ndihmon për të humbur peshën dhe për të luftuar ndjesinë e fryrjes
Përfitimet në trup për të kaluar disa ditë në det mund të ndjehen edhe në linjat trupore. Ecja në rërë dhe brenda ujit ndihmon për të luftuar ndjesinë e fryrjes dhe rregullimin e metabolizmit. Trupi merr rreth dy herë më shumë energji për të ecur në një sipërfaqe të tillë të butë si rëra, kështu që kryejmë një stërvitje të shkëlqyer duke djegur kaloritë dhe duke riaktivizuar qarkullimin e gjakut në tërësi.
8. Stimulon sistemin imunitar
Rrezet e diellit na lejojnë të sintetizojmë vitaminën D, një substancë që ndihmon në parandalimin e sëmundjeve autoimune. Në vend të kësaj, uji i detit përmban minerale të ndryshme dhe përbërës të tjerë që ndihmojnë në forcimin e sistemit imunitar, largimin e toksinave nga trupi dhe gjithashtu ndihmon në shërimin e lëndimeve. Prania e jodit në ajrin e detit, gjithashtu mbështet mbrojtjen natyrore të trupit. /Kosovapress/
