Kryetari i Federatës Shqiptare të Futbollit, Armand Duka, me anë të një shkrimi në Facebook ka uruar lojtarët e kombëtares për një ndeshje shumë të bukur ndaj Islandës.
“Unë isha i bindur se të gjithë, pavarësisht nga momentet e vështira, ‘do kthjelloheshin’ dhe do vazhdonin të jepnin dashuri për këtë KOMBËTARE në ditë të mira dhe të këqija”, ka shkruar Duka.
“Djemtë kishin venojë për këtë dashuri dhe sot na e shpërblyen… Futboli nuk ka të bëjë vetëm me këmbët, por sidomos kur luan me Kombëtaren mbi të gjitha ka të bëjë me zemrën”.
Duka më herët kishte goditur disa “VIP-a” që sipas tij vinin rreth kombëtares vetëm në ditë të mira, dhe madje akuzoi të njejtit se ata po shkojnë të shohin lojërat e Kosovës vetëm që të “ndanin tortën e suksesit”. Por gjatë ditës sot shumë fytyra të njohura vizituan kampin shqiptar të lojtarëve duke u dhënë përkrahje.
Shqipëria nuk zhgënjeu dhe fitoi 4-2 ndaj Islandës duke mbajtur gjallë shpresën për kualifikim.
