Edi Rama përkrah reagimin e SHBA-ve

Kryeministri i Shqipërisë, Edi Rama, i ka dhënë mbështetje Shteteve të Bashkuara të Amerikës, për veprimet e sotme në veri të Kosovës.

“Unë bashkohem me ta në apelin për të mos ecur më tej në këtë shteg jo vetëm të rrezikshëm, po edhe krejt të panevojshëm sot, kur bota demokratike e ka vendosur në qendër të vëmendjes dialogun, normalizimin, njohjen e ndërsjellë mes Kosovës dhe Serbisë”, ka shkruar Rama.

Ai ka thënë tutje se kjo nuk do ta ndihmoj normalizimin e marrëdhënieve mes dyja vendeve.

“A e ndihmon kjo që po ndodh në Kosovë procesin ku janë angazhuar të tërë miqtë e mëdhenj të Kosovës e të shqiptarëve, për normalizim dhe njohje të ndërsjellë mes Kosovës dhe Serbisë?! Me siguri jo përderisa vetë miqtë tanë më të mëdhenj shprehen thellësisht të shqetësuar!”

Lini një Përgjigje