Me ardhjen e Panuçit në krye të Kombëtares shqiptare, ky është ndoshta eksperimenti më i madh.
Qoftë në numra, por edhe në skemën me të cilën pritet që përfaqë- suesja të marrë “fytyrën” e re të të sjellurit në fushë. Përpara janë dy kompeticionet më të rëndësishme për përfaqësuesen: Liga e Kombeve dhe sidomos Europiani.
Ky i fundit, veçanërisht për faktin se mundësitë e pjesëmarrjes janë shtuar për vetë formulën dhe skemën e funksionimit. Edhe De Biazi, në momentin që gjeti skuadrën e Kuzhesë, nisi reformimin e madh dhe në fund… ia doli. As atëherë nuk kishte emra. Po tani? A do t’ia dalë mbanë Panuçi? Premisat janë. Brumi i lojtarëve është. Mbase, jo nga më cilësorët, por të dhënat janë premtuese.
PRANVERË KUQEZI
Ndryshim brezash… Në futbollin modern, kjo është drama por njëherësh edhe çelësi i suksesit për pikënisjen e një rrugëtimi drejt suksesit për çdo ekip. Pak vite më parë, emra si Skela, Lala, Bogdani, Tare etj., lanë një gropë të madhe në përfaqësuese, por, në fund, zëvendësimi u bë me një grup solid që arriti sukses. “Pranvera me një lule nuk vjen”, është e njohur në Shqipëri, por kur të tilla janë pesë apo më shumë, ndryshon puna…
Kombëtarja po e nis edicionin e ri me të paktën pesë elementë nga ekipi Shpresa. Në portë, Thomas Strakosha është më shumë se siguri. Përkrah Berishës, gardiani i Lacios premton një dekadë garanci në ruajtje të katërkëndëshit. Në linjën e mbrojtjes, Panuçi rivesh kuqezi qendërmbrojtësin Herdi Prenga.
Më parë pjesë e kombëtareve të moshave, por pas një dëmtimi dhe një periudhë jo të mirë në karrierë, e gjen veten me Kombëtaren A. Mavraj & Co janë mjaf tueshëm siguri për një edicion, por fryma e një 23- vjeçari jep dhe merr njëkohë- sisht nga titullarët aktualë. Abazaj e Gavazaj nuk janë rastësisht aty.
