Kryeministri i Republikës së Kosovës, Ramush Haradinaj, sot është takuar me këshilltarët për politikë të jashtme të Kancelares Gjermane, Angela Merkel, Jan Hecker dhe Matthias Lüttenberg, të cilët i kanë kërkuar tri gjëra qeverisë së Kosovës, transmeton Gazeta Metro.
Kjo javë është vendimtare për heqjen apo suspendimin e taksës së vënë nga qeveria e Kosovës ndaj produkteve serbe dhe boshnjake, ngase kjo ishte kërkesa e prerë edhe e dy kshillëtarëve të kancelares gjermane Angela Merkel në takimin e sotëm me Kryeministrin Haradinaj.
Zyrtarët e lartë gjermanë nga kryeministri i Kosovës kanë shtruar tri kërkesa të qarta:
1. Heqjen ose pezullimin e mënjëhershëm të taksës ndaj mallërave serbe e boshnjake,
2. Vazhdimin e dialogut me dinamik në mënyrë që të arrihet marrëveshja brenda vitit 2019’të
3. Dhe moskeqinterpretimin e qëndrimit të qeverisë gjermane lidhur me ndryshimin e kufijve ndërmjet Kosovës dhe Serbisë në baza etnike.
Së shpejti, gjatë pjesës së dytë të muajit mars do të mbahet takim ndërmjet Kosovës dhe Serbisë për vazhdimin e dialogut për arritjen e një marrëveshje përfundimtare dhe deri atëherë heqja e taksës duhet të jëtë punë e kryer.