Kryeministri në detyrë, Ramush Haradinaj ka darkuar së bashku me disa nga bashkatdhetarët në Zvicër.
Haradinaj tha se ishte kënaqësi që të dëgjojë storiet e suksesit të bashkatdhetarëve, por edhe vështirësitë me të cilat ata përballen, shkruan Fokusi.info.
“I nderuar të marrë pjesë në darkën e nikoqirëve Pashk Mërturi e Pren Kqira, në mesin edhe të shumë bashkatdhetarëve, shqiptarë patriotë e të suksesshëm në Zvicër. Pata kënaqësinë që nga ta të dëgjoja storiet e suksesit, punën që bëjnë atje, sfidat dhe vështirësitë përgjatë rrugëtimit të tyre por edhe për dashurinë ndaj shqiptarëve gjithandej”, ka shkruar Haradinaj në Facebook.
“Bashkatdhetarët tanë janë vlerë e çmuar për ne, dhe u jemi përherë mirënjohës për gjithë kontributin që kanë dhënë për atdheun e tyre. Për këtë, të gjithë bashkatdhetarët me të cilët darkuam bashkërisht, i ftova që të vijnë dhe të investojnë në vendin e tyre, t’i japin edhe më shumë hov zhvillimit ekonomik dhe ta forcojnë edhe më tej marrëdhënien që kemi ndërtuar për kaq shumë vite”./Fokusi.info/
