Haradinaj: Le të bjerë qeveria për taksën

Deputeti i AAK-së, Daut Haradinaj, në emisionin “Rubikon” të KTV-së, ka thënë se do të ishte mirë që qeveria të bjerë për shkak të këmbënguljes për mos heqje të taksës ndaj mallrave serbe dhe atëherë do të shihej se kush është dhe kush nuk është për sovranitet shtetëror të Kosovës.
Deputeti i AAK-së nuk ka dashur të flasë rreth vizës së refuzuar të SHBA-së për vëllanë e tij, Ramush Haradinajn, duke thënë se nuk ka informata rreth kësaj çështje, ndërsa shtoi se kryeministri ka raporte korrekte me zyrtarë të SHBA-së.
“Taksa nuk do të hiqet pa një garanci serioze, sepse ne kemi insistuar që të kemi Amerikën në dialog. Sepse ne kemi besim të plotë në SHBA dhe taksa duhet parë si garani: njohjen reciproke dhe implementim të marrëveshjeve”, ka thënë Haradinaj.
“Edhe unë besoj se SHBA-të e njohin Ramushin, kanë raporte korrekte me të. E dinë mirë që kjo taksë duhet me pas një konçesion pozitiv në raport me Kosovën”, ka shtuar ai.

Lini një Përgjigje