Haradinaj vazhdon “grindjen” në distancë me Vlora Çitakun: “Nuk e ftova unë, erdhi vetë por bënte edhe pa të”

0
286

Kryeministri Haradinaj dyshon në misionin e ambasadores kosovare në SHBA, Vlora Citaku, andaj edhe e ka quajtur “ambasadore të Thaçit”.

Haradinaj në një intervistë për Rubikon të KTV-së tha se e respekton derisa është në atë pozitë dhe për punën që e kryen mirëpo nuk distancohet nga epiteti që ia drejtoi.

Lidhur me takimin, Haradinaj falënderoi Çitakun për mundin e marrë që të udhëtonte deri atje, mirëpo ai nuk e kishte ftuar.

“Unë nuk e ftova, ajo ka ardhur vetë, bënte edhe pa të”, ka thënë Haradinaj.

“Kam shpreh dyshim që qëndrimi jonë nuk është paraqitur si duhet në Washington meqë kur kanë ardhur ata këtu e kam parë se nuk është përcjellë mirë qëndrimi jonë. Të gjithë ata që kanë shkuar pas asaj ideje kanë gabuar”, ka thënë Haradinaj.