Kryetari i Gjilanit Lutfi Haziri ka komentuar deklaratat e kreut të AAK-së Ramush Haradinaj, i cili u shpreh të jetë i pakënaqur me qasjen e kryeministrit Avdullah Hoti ndaj dialogut me Serbinë, transmeton IndeksOnline
Haziri, tha se kjo situatë ka mundur të menaxhohet ndryshe, por se nuk është e papërballueshme. Ai ka thënë se dialogu kërkon gjithëpërfshirës përveç unitetit institucional.
“Besoj që është një moment i cili është dashur të menaxhohet ndryshe, por nuk është i papërballueshme, Kryeministri Hoti e ka të butë dhe mënyrën e komunikimit. Dialogu kërkon gjithëpërfshirës, uniteti institucional është hapi i parë, e hapi i dytë është përfshirja e opozitës dhe shoqërisë civile. Mendoj se ky proces është ndikuar nga ndërrimi i vendit mes Uashingotnit dhe Bruskelit”, tha Haziri.
Haziri tutje ka folur edhe për situatën pandemike në komunën e tij duke treguar se janë 133 raste aktive me Covid-19 në Gjilan.
Sipas tij shumë pjesëtar në stafin e administratë dhe institucioneve tjera shtetërore janë të prekur nga ky virus në këtë komunë.
Haziri ka qenë i ashpër ndaj kryeministrit Hoti duke thënë se masat e ndërmarra nga qeveria janë duke dërguar shumë njerëz drejtë falimentimit.
“Nuk ka nevojë me u mbyll i gjithë vendi, nuk ka nevojë të dërgohen njerëzit në falimentim. Ne sot e kemi përgjysmuar numrin e punëtorëve publike, pa asnjë përgjysmim të pagës, e në sektorin privat njerëzit detyrohen të punojnë edhe në pandemi, nuk kanë hapësirë, po kufizohet tregu. Kryeministri Hoti si ekonomistë duhet të gjej rrugën e shpejtë me zgjidh në mënyrën më të mirë me parandalu këtë situatë”, theksoi Haziri.
