Ish-zëvendëskryeministri i Kosovës Avdullah Hoti, e ka lavdëruar punën e ministrave të Lidhjes Demokratike të Kosovës gjatë 100 ditëve të punës së Qeverisë Kurti.
Hoti tha se ministrat e LDK-së e kanë kryer punën në resorët e tyre në përputhje me obligimet ligjore.
Ai theksoi se këta ministra kanë kulturë tjetër të qeverisjes.
Ky është postimi i tij:
Ministrat nga LDK-ja, gjatë kësaj periudhe të qeverisë në detyrë, e kanë bërë punën në resorët e tyre në përputhje me obligimet ligjore që kanë pasur.
Sot, në Mbledhje të Qeverise në detyrë, ata treguan se LDK-ja ka tjetër kulturë të qeverisjes – që është respektimi i institucionit dhe i shtetit të Kosovës, por edhe moslejimi i cenimit të integritetit personal dhe institucional.
Në Qeverinë e re do të promovojmë kulturë institucionale sipas standardeve evropiane.
Me votimin e Qeverisë së re, do të marrë fund qeverisja arbitrare, e mbështetur nga struktura jashtë politike e militante, që ka vënë institucionet e shtetit në funksion të partisë, që e ka polarizuar shoqërinë dhe ka dëmtuar partneritetet ndërkombëtare.
