Ish-kampioni i botës në peshën e rëndë, ukrainasi Wladimir Klitschko, ka rrëfyer sot se ai dhe familja e tij u shpëtuan nga zjarrëfikësit në mes të natës, pasi yahti me të cilën ai po udhëtonte në Spanjë mori flakë. Ish-boksieri kishte dalë për peshkim me familjen e tij.
Ngjarja ka ndodhur në orën 3 të mëngjesit të së dielës. “Ishim në mes të detit, në zonën e Majorkës, kur na shpëtuan zjarrëfikësit. Anija kishte marrë flakë dhe ne po përpiqeshim që të shpëtonim, duke qëndruar jashtë anijes. Për fat jemi të gjithë mirë”, thotë Klitschko.
Be careful what you wish for: fate took my wish for “some #adrenalin” a bit too literally and our boat-trip Sunday night ended up in our boat #igniting and family & friends being evacuated by coast guard and fire rescue-team. No worries: we are all fine! #theroofisonfire #song😱 pic.twitter.com/sGN7xfG5JM
— Klitschko (@Klitschko) June 25, 2019
43-vjeçari, humbi titujt kampionë bote në peshën e rëndë pas duelit me Tuson Fury në vitin 2015. Më pas, ai dështoi t’i rimerrte titujt pas duelit me një tjetër britanik, Anthony Joshua. Në vitin 2017 u tërhoq përfundimisht nga sporti.
