Ish-Presidentit i ShBA-së, George W. Bush, përmes një letre drejtuar kryetarit të shoqatës “Miqtë e Amerikës”, ka njoftuar se nuk do të mund të vijë në Kosovë.
Kjo si përgjigjeje ndaj ftesës së këtij të fundit.
Megjithatë Bush, sipas njoftimit nga shoqata “Miqtë e Amerikës”, ka falënderuar Rexhepin për ftesën, shkruan Periskopi.
“Ftesa e juaj e matur paraqet një mundësi kuptimplotë, fatkeqësisht, orari i presidentit George W. Bush nuk do të lejojë asnjë angazhim shtesë dhe se ne e vlerësojmë mirëkuptimin tuaj. Presidenti Bush ju falënderon për interesin tuaj dhe ju dëshiron gjitha të mira”, thuhet në letrën e Zyrës së Presidentit amerikan.
