Ish të dorëhequrit e VV-së me grup të ri parlamentar

Grupi i të dorëhequrve të Lëvizjes Vetëvendosje do të krijojnë grup të ri parlamentar. Dhjetë deputetë nga ky grup e kanë dërguar këtë javë në administratën e Kuvendit kërkesën për krijimin e një grupi të ri parlamentar, ka mësuar KTV-ja nga burime brenda Kuvendit.

Ata nuk e kanë emëruar grupin e tyre, por e duan ndarjen nga grupi i Vetëvendosjes ku ndodhen aktualisht.

Nëse kjo mbetet lista përfundimtare, Vetëvendosje do të mbetet me 22 deputetë në Kuvend dhe do ta humbasë primatin e grupit më të madh parlamentar.

Kurse, sekretari i Kuvendit, Ismet Krasniqi, ka thënë se ende kërkesa nuk ka shkuar zyrtarisht në administratën e Kuvendit të Kosovës.

“Lidhur me çështjen e ngritur, në administratë nuk kemi pranuar kërkesë për grup të ri parlamentar. Deri më tash s’ka asnjë kërkesë zyrtare apo diçka për ndarjen e këtij grupi”, ka thënë Krasniqi për Express.

Lista e deputetëve që e kanë bërë kërkesën dhe do të ndahet nga VV-ja është:

1. Visar Ymeri

2. Dardan Molliqaj

3. Dardan Sejdiu

4. Dukagjin Gorani

5. Aida Dërguti

6. Shqipe Pantina

7. Faton Topalli

8. Fisnik Ismaili

9. Driton Caushi

10. Donika Kadaj

Lini një Përgjigje