Kastrati: A ju kam thënë që Kurti s’do Qeveri, dëshiron t’i kthehet rrugës

0
334

Profesori universitar dhe politologu Ardian Kastrati ka reaguar pas takimit të presidentit të Kosovës, Hashim Thaçi dhe liderit të Lëvizjes Vetëvendosje, Albin Kurti.

Sipas tij, po vërtetohet ajo që e ka thënë tash sa kohë se Albin Kurti nuk po dëshiron të marrë drejtimin e Qeverië së vendit.

Postimi i tij i plotë:

Qe nga 15 Tetori nëpër studio televizive e kam thënë që Kurti nuk don Qeveri për dy arsye. E para se nuk ka guximin as përvojën me udhëheq dialogun me Serbinë i cili dialog duhet të prodhojë një zgjidhje që medoemos duhet me qenë në rezonancë me objektivat e SHBA në rajon. E dyta, Kurti është i vetëdijshëm që VV nuk ka kapacitetet e as potencialet e ekspertizës që do t’i adresonin çekuilibrat socialë e ekonomikë në vend të krijuara si pasojë e keqqeverisjeve 20-vjeçare.

Rrjedhimisht, duke iu frikësuar hyrjes në dialog me Serbinë ai po e demitizon “Albini trim” dhe po na e shpërfaq Albinin e vërtetë e që bie Albini qyqar, frikacak dhe jo i gatshëm për përgjegjësi shtetërore e historike.

Kurti po ashtu po e demitizon “Albinin Hero “që përplasej rrugëve me vite duke kërkuar që hajnat mos me Qeverisë, sepse me refuzimin për bërjen e Qeverisë ai po i lejon të njëjtit që i quante “hajna” të vazhdojnë qeverisjen.

Albini po indikon që dëshiron t’i kthehet rrugës sepse tani është i vetëdijshëm që Qeverinë e bën tjetërkush.

Mirëpo kthimi në strategjinë e vjetër të protestave agresive nëpër rrugë shkakton kaos politik në këtë vend dhe kaosi i tillë në Ballkan i shkon në favor vetëm Rusisë.

Pas demitizimit që i bëri vetvetes këto ditë, vështirë që Kurti do të marrë përkrahje popullore për me vazhdu me kriju shkatërrim e kaos politik në vend.