Edhe pse gjakrat në politikë mes Kosovës dhe Serbisë janë të nxehta, kjo nuk e ka ndaluar këngëtaren shqiptare Albana Bilali të performojë shqip në mes të Beogradit.
Këngëtarja ka interpretuar në gjuhën shqipe në teatrin ‘Kosmodrom’ katër nga këngët e saj më të reja.
Mësohet se Albana Bilali u ftua në Beograd nga saksofonisti dhe kompozitori i njohur nga Zelanda e Re, Hayden Chisholm.
Bëhet me dije se bendi me të cilin ka interpretuar këngëtarja shqiptare ishte i përbërë nga serbë, ndërkohë që ajo është shprehur për ‘Gazetën Express’ se ata e kanë mikpritur.
Albana ka treguar se ashtu si bendi edhe publiku serb nuk i kanë krijuar asnjë problem pavarësisht se po këndonte në shqip.