Këshilli i Prindërve të Arsimit të Kosovës reagon rreth grevës së mësimdhënësve

Përmes një komunikate për media, Këshilli i Prindërve të Arsimit të Kosovës vlerëson se mos harmonizimi i qëndrimeve në mes të Qeverisë së Kosovës dhe SBASHK-ut është tepër shqetësues për prindërit, nxënësit dhe qytetarët e Kosovës dhe i dëmshëm për sistemin arsimor në Kosovë.

Komunikata e plotë:
KOMUNIKATË PËR MEDIA TË SHKRUARA DHE ELEKTRONIKE

Zhvillimet e fundit në procesin edukativo arsimor në Kosovë dhe mos harmonizimi i qëndrimeve në mesë të Qeverisë së Kosovës dhe SBASHK-u është tepër shqetësues për prindërit, nxënësit dhe qytetarët e Kosovës dhe i dëmshëm për sistemin arsimor në Kosovë.
Me gjithë arritjen e marrëveshjes në mes të Qeverisë së Kosovës dhe Sindikatës së Arsimit të Kosovës, vitin e kaluar , nuk ka filluar implementimi i sajë e që është bërë edhe shkas për grevat e përgjithshme të mësimdhënësve në të cilën janë futë sot Sindikalistët e që kanë paralajmëruar edhe greva tjera në muajin prill nëse kërkesat e tyre nuk realizohen.
Mos gatishmëria dhe jo serioziteti i Organizmave Shtetëror, për të përmbushur obligimet ndaj mësimdhënësve është tepër shqetësuese dhe zhgënjyese, andaj është momenti kritik që MASHT-i dhe Qeveria e Kosovës të reflektoi pozitivisht në zgjidhjen e këtij problemi i cili është krijuar në mënyrë që kurrsesi mos te vjen deri te ndërprerja e mësimit siç edhe po ndodhë.
Kërkesat e vazhdueshme për grevë janë një kërcenim për nxënësit dhe prindërit dhe se çdo paralajmërim për grevë po ndikon drejtpërsëdrejti në aspektin psikologjik tek nxënësit dhe po zbehet i ter procesi mësimor edhe ashtu tepër i brishtë në Kosovë
Këshilli i Prindërve të Kosovës , kupton brengën dhe hallet e mësimdhënësve dhe plotësisht pajtohet me kërkesat e tyre të drejta për njohjen e stazhit të punës të viteve të nëntëdhjeta, por njëkohësisht vlerësojmë se nuk është greva opsioni i vetëm i duhur për realizimin e kërkesave të mësimdhënësve.
Këshilli i Prindërve dhe prindërit në përgjithësi kërkojnë njëkohësisht edhe nga Qeveria e Kosovës edhe nga SBASHK-u që të jenë tepër të matur dhe të kujdesshëm dhe mos të ndërmarrin veprime që e cenojnë mbarëvajtjen e procesit mësimor..

Më 12.03.2018 Kryetari i Këshillit të Prindërve të Kosovës
Bajram Beqiri