Këtë muaj dalin pagat me koeficientin e ri

433

Ministria e Financave, Punës dhe Transfereve sot ka ekzekutuar pagat për 83 mijë punëtorë të sektorit publik me koeficientin e ri.

Zyrtarët Publikë sot mbas orës 16:00 do të kuptojnë vlerën e saktë të pagës, kështu thotë një burim nga ministria.

Me fillim të këtij muaji qeveria ka bërë publike vlerën e koeficionetit që ishte 105 euro.

Vlera e koeficientit të pagave për vitin 2023 do të jetë 105 euro.

Kështu kishte thënë kryeministri i Kosovës, Albin Kurti, gjatë mbledhjes së Qeverisë më 1 shkurt.

Ligji i pagave në Kosovë ka hyrë në fuqi më 5 shkurt të këtij viti.

Pagat e punëtorëve në Kosovë llogariten duke e shumëzuar koeficientin e pagës së një pozite me vlerën monetare të koeficientit. Raporti i koeficienteve është nga një deri në 18.

Ministri i Financave, Punës dhe Transfereve i Kosovës, Hekuran Murati, tha se paga mesatare bruto do të jetë 730 euro, që sipas tij do të rritet për rreth 100 euro.

Numri i punonjësve që marrin paga nga buxheti i Kosovës është rreth 83 mijë.