Korçë, makina rrokulliset 4 herë dhe përfundon në arë, plagosen dy të rinj

0
233

Dy persona kanë mbetur të plagosur mesditën e sotme në Korçë, pasi mjeti ku po udhëtonin ka përfunduar në arë. Aksidenti është regjistruar në aksin Korçë-Pogradec, në afërsi të fshatit Velitërnë.

Mjeti tip BMW ka dalë nga rruga dhe për pasojë janë plagosur drejtuesi i mjetit dhe pasagjeri. Paraprakisht dyshohet se shkak ka qenë shpejtësia tej normave të lejuara dhe nga lagështia në rrugë.

Mësohet se pasi ka dalë nga rruga, mjeti ka bërë tre- katër batime dhe ka përfunduar në arë. Fatmirësisht dy të aksidentuarit nuk kanë marrë plagë të rënda dhe janë transportuar drejt spitalit të Pogradecit ku ndodhen nën kujdesin e mjekëve.