Kuçi: Qeveria nuk rrëzohet në tryeza politike, nëse i keni 61 vota bëjeni në Kuvend

0
216
Blerim Kuçi nga Aleanca për Ardhmërinë e Kosovës ka thënë se Kuvendi është ai ku rrëzohet qeveria dhe jo tryezat. Kjo deklaratë e Kuçit vjen pasi lideri i VV-së Albin Kurti tha se ka një tendencë që tryezat e tilla të zëvendësojnë kuvendin.

“Këto tryeza e kanë prodhuar një rezultat dhe ne nuk mund t’i tejkalojmë këto rezultate në këtë formë, pra në tryezën e fundit jemi dakordu me  formu një grup punues.

Ky grup ka pas për detyrë të diskutoj për temat që kërkojnë konsensus nacional me bisedu për agjendën e tryezës së radhës dhe me i ndihmu kësaj tryeze me asistencë që kjo tryeze të jetë sa më e suksesshme pra e kemi kthy prapë tryezën në pikën fillestare”, ka shtuar ai.

Kuçi tha se nuk ka kuptim të mbahen ato tryeza, me u dakordu edhe mos me iu përmbajt tryezave të tyre të përbashkët.

“Sa i përket zgjedhjeve, kemi fol se nuk ka kuptim me kërku zgjedhje tash, nuk janë temat që janë me konsensus nacional. Kurti e tha që ka një tendencë që tryezat e tilla zëvendësojnë kuvendin, por bash  kjo temë e zëvendëson kuvendin, sepse kur opozita i ka votat atëherë kjo duhet të shkojë në kuvend pra i keni 61 vota dhe bien qeveria, pra bash kjo teme e zëvendëson kuvendin”, ka deklaruar ai.