Manchester City kualifikohet në gjysmëfinale të FA Cup, eliminon me rikthim Swansean

0
302

Manchester City është kualifikuar në gjysmëfinale të FA Cup pas fitores ndaj Swansea Cityt.

Manchester City fitoi në fund me rezultat 2-3, përkundër se pjesën e parë e mbylli me dy gola disavantazh.

Së pari për vendasit nga pika e bardhë shënoi Matt Grimes (20′), ndërsa pas nëntë minutash shënoi një gol të bukur edhe ylli i Përfaqësueses së Kosovës, Bersant Celina, dhe me rezultatin 2-0 përfunduan 45 minutat e parë.

Skuadra e Pep Guardiolas në pjesën e dytë ishte dukshëm më e rrezikshme dhe konkrete para portës vendase, fillimisht shënuan me anë të Bernardo Silvas (69′) pastaj ishte Sergio Aguero (78′) që shënoi nga pika e bardhë.

Kur të gjithë menduan se kjo ndeshje do të shkojë në vazhdime në skenë u shfaq edhe një herë Aguro (89′) dhe me një gol me kokë e kualifkoi skuadrën e tij në gjysmëfinale të FA Cup.