Meksikë, shkon në 109 bilanci i të vdekurve nga shpërthimi i naftësjellësit

​ Bilanci i shpërthimit të naftësjellësit në qendër të Meksikës, ka arritur në 109 të vdekur, shtatë ditë pas kësaj katastrofe.

“Dy persona vdiqën sot në mëngjes në spitalin rajonal Zumpago duke e çuar bilancin në 109 të vdekur”, njoftoi në një konferencë për shtyp ministri meksikan i Shëndetësisë, Jorge Alcocer, shkruan ATSH.

Qeveria kishte komunikuar dje në mbrëmje një bilanc prej 107 të vdekurish dhe 40 të plagosur, që u rrit gjatë ditës së sotme.