Negociatat Serbi-Kosovë, Majko: Pres marrëveshje të zbatueshme

520
Ish-kryeministri i Shqipërisë, njëkohësisht ministër për Diasporën Pandeli Majko në një intervistë për ‘Zërin e Amerikës’ ka komentuar  edhe negociatat mes Beogradit dhe Prishtinës.
Ministri për Diasporën u shpreh se pret një marrëveshje të zbatueshme.
Majko tha se shkëmbimi i territorve dhe korigjimi i kufijve është një lloj autoriteti që i takon elitës politike në Prishtinë.
“Unë pres marrëveshje, siç edhe dy ambasadorët e respektuar kishin nënvizuar, të zbatueshme. Për idenë e shkëmbimit të territoreve, idenë e korigjimit të kufijve, ide të çuditshme që kanë qarkulluar mbi dhe nën tavolinë, sinqerisht kam qënë i rezervuar. I rezervuar për një fakt shumë të thjeshtë: ky është një lloj autoriteti apo autorizimi që i takon elitës politike të Prishtinës”, tha ai.