Nënkryetari i AAK-së paralajmëron javë vendimtare për Demarkacionin

0
209

Nënkryetari i Aleancës për Ardhmërinë e Kosovës, Pal Lekaj, ka paralajmëruar se java e ardhshme do të jetë vendimtare për çështjen e demarkacionit me Malin e Zi.
Ai ka shprehur optimizëm se gjatë javës Kuvendi i Kosovës do ta ratifikojë Demarkacionin.

Lekaj ka thënë për “Epoka e re” se pret reflektim pozitiv nga Lista Serbe, Lëvizja Vetëvendosje, si dhe nga deputetët që kanë dhënë dorëheqje nga postet në Vetëvendosje.

Lekaj, i cili mban post ministri në Qeverinë Haradinaj, ka hedhur poshtë mundësinë që koalicioni qeverisës të bëjë kompromise në dëm të Kosovës me Listën Serbe, në këmbim të votave për Demarkacionin.

Sipas tij, pas të gjeturave të Komisionit Bulliqi, dhe marrëveshjes së dy presidentëve, nuk duhet të ketë hezitim për ta votuar Demarkacionin.