Kryeministri në detyrë, Albin Kurti ka folur hapat që do të ndërmarrin pas vendimit të Gjykatës Kushtetuese.
Ai ka thënë se do të presin vendimi e plotë të Gjykatës Kushtetuese për të analizuar dhe për të vendosur për hapat e ardhshëm.
“Unë kam shprehur qëndrimin tim për këtë gjë”.
“Do ta presim aktgjykimin e plotë, për të analizuar nga këshilltarët tanë ligjor, më pastaj do të ndërmarrim hapat që nuk përcaktohen nga unë, por në organet e subjektit në Kryesi e Grup Parlamentar në një mbledhje të përbashkët të këtyre dy organeve në ditët në vijim”, tha Kurti.
Ndërsa, për mosprezencën e ministrave të LDK-së në mbledhjen e Qeverisë, ai tha se nuk e di arsyen.
“Për besë nuk e di pse nuk kanë ardhë, janë ministra në detyrë. Ministrat në detyrë e kanë detyrë mbledhjen e nganjëherë në mbledhje nuk kanë votuar, por nuk besoj që unë duhet të përgjigjem për mosardhjen e tyre”, tha ai.
