OVL UÇK përsëri kundër Gjykatës Speciale

0
306

Kryesia e OVL UÇK-së me anën e një Komunikate për opinionin publik, përsëri ka dalë kundër Gjyaktës Speciale.

“Ne si OVL UÇK, kemi kërkuar vazhdimisht që të krijohet Gjykatë Speciale vendore, e cila do t’i ndiqte të gjitha krimet që janë shkaktuar në Kosovë, sepse përsëri e themi se nuk jemi kundër drejtësisë, por konsiderojmë se nuk po ndiqen krimet”.

Komunikata e plotë:

KOMUNIKATË

Në mbledhjen e mbajtur të Kryesisë së OVL UÇK-së, përveç tjerash u diskutua edhe rreth Gjykatës Speciale.

Kryesia e OVL UÇK-së e rithekson se Gjykata Speciale është një e padrejtë që i ka ardhur Kosovës, sepse është e njëanshme dhe nuk i gjykon krimet e shkaktuara nga Serbia pushtuese, si dhe marrë për bazë se shumë vite pas luftës ishim dëshmitarë të dështimit total të drejtësisë ndërkombëtare, e cila përmes mekanizmave të ashtuquajtur të drejtësisë, vazhdimisht organizoi komplote kundër luftëtarëve të Ushtrisë Çlirimtare të Kosovës.

Ne si OVL UÇK, kemi kërkuar vazhdimisht që të krijohet Gjykatë Speciale vendore, e cila do t’i ndiqte të gjitha krimet që janë shkaktuar në Kosovë, sepse përsëri e themi se nuk jemi kundër drejtësisë, por konsiderojmë se nuk po ndiqen krimet.

OVL UÇK, do ta përcjell me vëmendje situatën dhe reagimet do t’i bëjë në përputhje me zhvillimet.

Prishtinë,                  Kryesia e OVL të UÇK së   9 janar 2019          Kryetari Hysni Gucati