Policia zvicerane të shtëna paralajmëruese ndaj tifozëve serbë të C.Zvezdës

0
353

Policia zvicerane është detyruar të shkrep plumba paralajmërues ndaj tifozëve të dhunshëm dhe homofobikë serbë para ndeshjes kualifikuese për Ligën e Kampionëve mes Young Boys dhe Crvena Zvezdës të mërkurën mbrëma.

Një grup i madh i tifozëve serbë të Zvezdës ka shkaktuar kaos dhe dhunë rrugës drejt stadiumit para ndeshjes që nisi në orën 20:45, sipas mediave zvicerane, transmeton Gazeta Express.

Policia në Bern ka konfirmuar se i është dashur të shtjerë disa herë në ajër për ta qetësuar situatën.

Raportohet për një person të lënduar gjatë dhunës, e cila kishte nisur afër një objekti pasi tifozët homofobikë serbë kishin reaguar ndaj një flamuri të LGBT-së që ndodhej aty.

Të shtënat paralajmëruese të policisë ka bërë që marshi i tifozëve të përfundonte dhe ata të futeshin në stadium.