PDK, LDK e AAK revoltohen, e lëshojnë seancën e Kuvendit

0
375

Deputetët e tri partive opozitare kanë braktisur puimet e seancës së sotme të Kuvendit të Kosovës.

Shefi i Grupit Parlamentar të LDK-së, Arben Gashi ka thënë se është e paligjikshme të presin që të bëhet shumica e VV-së në Kuvend.

“Mendoi se është me rëndësi se Kuvendi merr vendime me shumicë, që 4 orë kemi kuorum për vendime dhe nuk po merren vendime. Kjo nuk është në të mirë të demokracisë dhe parlamentarizmit, prandaj si Grup Parlamentar shohim të paarsyeshme të marrim pjesë në seancë duke marrë parasysh sjelljen ku na pamundësohet të votojmë mbi bazën e vullnetit të lirë të deputetëve, duke prit që pushteti t`i bëjë 61 deputetë. E paarsyeshme, e palogjikshme jo demokratike. Në momentin që Kuvendi ka 61 deputetë është detyrë e kryetarit të Kuvendit që të fillojë seancën”, ka thënë ai.

Ndërsa shefi i Grupit Parlamentar të PDK-së, Abelard Tahiri, ka thënë se është e paarsyeshme mos fillimi i seancës, ndonëse ekzistonte kuorumi me mbi 61 deputetë prezentë.

Edhe pse PDK, LDK e AAK kanë lëshuar sallën, grupi parlamentar i VV-së, është duke qëndruar në Kuvend.