Presidenti Thaçi kujton 116 civilët e vrarë nga forcat serbe në Studime të Vushtrrisë

0
272
Presidenti i Kosovës, Hashim Thaçi, i ka kujtuar sot 116 civilët e vrarë nga forcat serbe që kanë ndodhur para 19 vjetësh në fshatin Studime të Komunës së Vushtrrisë.

Presidenti thotë se nuk do ta ndalin asnjëherë zërin për zbardhjen e krimeve të bëra nga forcat ushtarake dhe policore serbe.

“Sot i kujtojmë 116 civilë të pafajshëm të vrarë nga forcat serbe para 19 vjetësh në Studime të Vushtrrisë. Si institucione të Republikës së Kosovës, nuk do të ndalim asnjëherë zërin për zbardhjen e krimeve të bëra nga forcat ushtarake dhe policore serbe.

Nuk do të ndalemi derisa të zbardhet fati i personave të pagjetur. Nuk do të ndalemi derisa të dalin para drejtësisë autorët e krimeve. Lavdi të gjithë atyre që u sakrifikuan për liri”, ka shkruar Thaçi.