Prindërit e Agon Musliut: Do bëjmë padi zyrtare ndaj ish-qeverisë Kurti

Babi i Agon Musliut, Naim Musliu bashkë me bashkëshorten e tij kanë sjellë kurora lulesh në konvikte për nder të 8 mujorit të ndarjes nga jeta i birit të tyre, i cili u vetëvra ne konviktet e Prishtinës gjatë pandemisë sa ishte në karantinë dhe në të njëjtën kohë tha se do të bëjë padi zyrtare ndaj qeverisë.

Babai Musliu tha se janë në ditën kur djali i tyre po i mbush 8 muaj që u nda nga jeta, teksa thotë se me pikëllim të madh kanë përjetuar këta muaj ndaj padrejtësisë që i është bërë djalit të tyre.

“Në fillim kam thënë se drejtësia bie mbi qeverinë Kurti, Sveçla Vitia. Unë për këtë do të kërkojë drejtësi dhe do të bëjë padi sepse në mënyrë kunderligjore është karantinuar. Edhe në komisionin hetimor deputetët e vetëvendosjes kanë votuar kundër. Unë nuk do të ndalem për djalin tim dhe do të bëjë padi për ish qeverinë Kurti”, tha Musliu.

Mes tjerash ai tha se djali i tij s’ka pasur pasur fare bëjë me politikë, dhe se ka qenë djalë i rregullt.