Raportohet për arrestimin e Fjolla Morinës, flet avokati i saj

0
107

Në disa media online ditën e sotme ka qarkulluar lajmi se këngëtarja kosovare, Fjolla Morina, është arrestuar nga policia.

Mirëpo, këtë lajm e ka demantuar për Indeksonline, avokati i saj, Fanol Krasniqi.

“Jo, Fjolla nuk është arrestuar, nuk është e vërtetë, qetu me to jom”, tha ai për Indeksonline.

Siç raportojnë mediat, Fjolla Morina ishte shpallur në kërkim ndërkombëtar nga Interpoli, pasi mbi të rëndon akuza për trafikim të armëve dhe municionit në Shqipëri.

Morina ishte shpallur në kërkim më 21 prill 2021, një muaj pasi gjykata e Kukësit e dënoi me 6 vite burgim për “trafik të armëve dhe municionit”.

Arrestimi i Fjolla Morinës u bë në shtator të vitit të2020, në pikën e kalimit kufitar Morinë, ku këngëtares iu gjet një armë zjarri pistoletë tip “Zoraki” me 23 fishekë.

Ajo është justifikuar përballë oficerit të Krimeve se i ndërronte çantat e dorës shpeshherë dhe se nuk e dinte çfarë kishte brenda saj.

Bashkë me Morinën ishte arrestuar edhe biznesmeni Fisnik Syla, me të cilin këngëtarja ishte martuar gjatë kohës kur po kërkohej nga INTERPOL-i.