Rikthehen vullnetarisht nga Franca 130 shqiptarë-iu refuzua azili!

0
249

130 shtetas shqiptarë, të cilëve autoritetet franceze u kishin mohuar kërkesat për azil, u riatdhesuan vullnetarisht këtë të hënë.

Rikthimi i tyre në atdhe është mundësuar nga Zyra Franceze për Migracionin dhe Integrimin,

Kthimi i tyre u bë nëpërmjet aeroportit të Rinasit, ku ishte e pranishme edhe Drejtoresha e Departamentit për Kufirin dhe Migracionin, Aida Hajnaj.

Në fjalën e saj Hajnaj theksoi edhe një herë bashkëpunimin që ka policia Shqiptare me zyrat e migracionit në BE dhe apeloi edhe një herë ndërgjegjësimin e shtetasve shqiptarë azilkërkues dhe respektimin e rregullave të lëvizjes së lirë në zonën Schengen, raporton Tch.

“Shtetasit shqiptarë duhet të ndërgjegjësohen dhe të kuptojnë se rruga e vetme për t’u integruar në vendet e BE-së dhe në Schengen, është vetëm respektimi i rregullave dhe i parimeve të lëvizjes së lirë. Në vijim të masave do të vazhdojmë me identifikimin e të gjithë shtetasve, të cilët përdorin dokumente false apo dokumente të tjera, për të lëvizur në vendet e BE-së dhe Schengenit, në mënyrë jo të rregullt dhe jo në respekt të parimeve dhe rregullave të lëvizjes së lirë”, deklaroi Hajnaj./koha.net/