Serbia i dërgon informacione Kosovës për vrasjen e Oliver Ivanoviqit

0
337

Ministria serbe e Drejtësisë i ka dorëzuar Kosovës raportet e intervistimeve të personave që dyshohet se lidhen me vrasjen e ish-liderit të SDP-së, Oliver Ivanoviq.

Ajo po ashtu ka bërë të ditur se ky veprim është bërë pas kërkesës së Prishtinës për deklaratat e të gjithë personave që thuhet se kanë informacione për krimin e kryer më 16 janar të vitit të kaluar.

“Kjo tregon se Beogradi është ende i gatshëm të bashkëpunojë dhe t’i përgjigjet kërkesave të Prishtinës. Ne nuk kemi komunikim të tillë nga pala tjetër”, ka thënë ajo.

Megjithatë, mungesa e rezultateve në hetimet për vrasjen e Ivanoviqit, sipas saj ka ardhur nga refuzimi i Prishtinës për hetime të përbashkëta dhe për shkëmbim informacionesh.

Sipas saj, gjatë vitit të kaluar Beogradi ka dërguar dy kërkesa zyrtare për informacione në Prokurorinë Speciale, mirëpo se të njëjtat nuk janë përfillur.

Ivanoviq u vra më 16 janar të vitit të kaluar në Mitrovicën e Veriut.