Shtetet e Bashkuara të Amerikës kanë identifikuar një diplomat të njohur për të “përfunduar punën” e çështjes së Kosovës.
Diplomati dhe njohësi i mirë i çështjeve të Ballkanit, Philipp Ricker pritet të jetë pasardhës i Wess Mitchell në postin e ndihmës sekretarit të përgjithshëm, përgjegjës për Evropë dhe Euroazi.
Ai do të emërohet në pozitë me aprovimin e Ambasadës amerikane në Greqi, shkruan portali grek “Crisis Monitor”, transmeton lajmi.net. Ricker është shumë i afërt me qëndrimet greke dhe një prej fuqizuesve të raporteve SHBA-Greqi.
Siç sugjeron karriera dhe biografia e tij e paraqitjeve publike, ai punon në përforcimin e raporteve mes SHBA-së dhe Greqisë si dhe zgjerimin e lidhjeve ekonomike.
Në funksionin e ri, Ricker do të merret me procesin e normalizimit të raporteve mes Serbisë dhe Kosovës, procesin e anëtarësimit të Shqipërisë në BE dhe disa çështje të tjera të rëndësishme për SHBA-në, transmeton lajmi.net.
Si njohës i temave të rajonit nga dora e parë, Ricker konsiderohet si personi i cili i “përfundon punët”, thuhet në artikullin e “Crisis Monitor”.
Në karrierën e tij të pasur, Ricker, ndër të tjera, ishte zëdhënës i Cristopfer Hil, një i dërguar amerikan në negociatat e udhëhequr nga Kosova në Rambuje, që shërbeu si ambasador i SHBA në Maqedoni dhe ndihmës sekretar i Byrosë për Çështjet Evropiane dhe Euroaziatike në Shtetin departamenti.
