Shqiptarët e Turqisë festojnë 11 vjetorin e pavarësisë së Kosovës

716
Me një aktivitet të organizuar nga Ministria e Diasporës dhe Investimeve Strategjike, përkatësisht Qendra Kulturore në Stamboll dhe Komuna e Kyçykçekmexhes, shqiptarët e Turqisë kanë shënuar 11 vjetorin e pavarësisë së Kosovës.
Në këtë aktivitet mori pjesë edhe zëvendësministri i MDIS-së, Faruk Nura, i cili u shpreh i emocionuar që feston 11 vjetorin e shtetit bashkë me shqiptarët e Turqisë.
Ai i falënderoi shqiptarët për kontributin e dhënë në shtetbërjen e Kosovës, transmeton Indeksonline.
Nura po ashtu falënderoi edhe shtetin mik të Turqisë për ndihmën e dhënë si para, gjatë dhe pasluftës për vendin tonë. /Indeksonline/