Sot mbyllet afati për shtesat prej 100 euro, shteti s’tregon kur do t’i marrin paratë qytetarët

0
235

Më 21 prill 2022 është hapur aplikimi për mbështetje për punëtorët që nuk marrin pagë nga buxheti i shtetit.

Kurse sot është afati i fundit për këtë mbështetje nga Qeveria e Kosovës për punëtorët e sektorit privat.

Mirëpo, ndonëse kaluan një muaj as nga Ministria e Financave e as nga Qeveria nuk treguan se kur të dalin këto mjete.

Ministri i Financave, Hekuran Murati, më 29 prill, njoftoi se në javën e parë të muajit maj do të nis shqyrtimi i aplikimeve, mirëpo nga kjo ministri nuk janë përgjigjur në pyetjet e IndeksOnline se a është formuar ky komision dhe a ka nisur punën.

Përvec punëtorëve privat, edhe studentët e Kosovës janë në pritje të 100 eurove.

Aplikimi për këtë mbështetje u hap më 7 maj dhe është i hapur deri më 3 qershor. Por njësoj edhe kjo kategori nuk ka asnjë detaj se kur do të kenë mundësi t’i gëzojnë këto mjete.

Kurse, punëtorët e sektorit publik, pensionistët dhe familjet me asistencë soaciale kanë marrë nga 100 eurot e premtuara nga Qeveria.