Specialja ia vazhdon paraburgimin Hysni Gucatit e Nasim Haradinajt

0
67

Dy krerëve të Organizatës së Veteranëve të Luftës së UÇK-së, Hysni Gucati e Nasim Haradinaj i është vazhduar paraburgimi nga Specialja.

Vendimi është marrë nga gjykatësi i Procedurës Paraprake, Nicollas Guillou.

Me këtë rast, gjykatësi francez ka kërkuar nga mbrojtja që të dërgojë parashtresat e saja në lidhje me shqyrtimin tjetër të paraburgimit deri më 4 gusht.

Këtë kërkesë ai ia ka parashtruar edhe Zyrës së Prokurorit të Specializuar, të cilës i ka dhënë afat deri më 11 gusht.

Ndryshe, Gucati e Haradinaj po qëndrojnë në paraburgim në Hagë që nga 25 shtatori i vitit të shkuar kur edhe ishin arrestuar nga hetuesit e Speciales.

Mbi ta rëndojnë akuzat për pengim të drejtësisë pas shpërndarjeve të dosjeve që kishin rrjedhur nga Specialja.