Futbollisti nigerian, Ifeaini Xhorxh ka gjetur vdekjen këtë të diel teksa udhëtonte drejt qytetit të Lagos, pas një aksidenti tragjik me makinë ku ndodheshin dhe dy persona të tjerë.
Xhorxh, i cili luante për skuadrën e Enugu Rangers IFC në kategorinë e parë në Nigeri, ishte 26 vjeç, ndërkohë personat e plagosur janë një shok i skuadrës së tij dhe një mik i tyre.
“Nuk mund t’i kontrolloj lotët. Ifeaini Xhorxh, një sulmues i fortë që luan për Rangers ka vdekur. Më është thyer zemra dhe jam akoma i shokuar. Mendimet dhe lutjet e mia shkojnë për familjen e tij dhe Rangers,” shkruan nigeriani Mazi Ikemba.
panorama.com.al
