Një person është therur me thikë në rrugën “19 qershori”, në Podujevë.
Policia ka njoftuar se viktima i mitur, ka kërkuar trajtim mjekësor për shkak të lëndimeve që i kishte marrë nga një mjet i mprehtë, thikë.
“Pas marrjes së ndihmës së parë viktima është dërguar në QKUK për trajtim të mëtejmë mjekësor”, thuhet në raportin 24-orësh të policisë dërguar mediave.
Lidhur me rastin, në cilësinë e të dyshuarit është intervistuar një i mitur.
Njësitet policore janë duke e hetuar rastin dhe nuk raportohet për ndonjë person të arrestuar.