Tragjike: Gjendet pa shenja jete një 12-vjeçar në Vushtrri

0
230

Një ngjarje e rëndë ka ndodhur pasditen e sotme në fshatin Beçuk të komunës së Vushtrrisë, ku një 12-vjeçar është gjetur pa shenja jete, raporton Gazeta Sinjali.

Sinjali mëson se ngjarja ka ndodhur sot, ku rreth orës 14:00, vëllai i të ndjerit e ka gjetur 12-vjeçarin në një dhomë të shtëpisë, teksa dyshohet se ka kryer vetëvrasje me armë gjuetie.

Sipas burimeve të Gazetës Sinjali, ende nuk dihet nëse vetëvrasja është kryer me dashje apo gjithçka ka ndodhur aksidentalisht.

Rasti është denoncuar në Polici, të cilët kanë marrë të gjitha veprimet e nevojshme hetimore për zbardhjen e rastit, teksa vdekjen e të miturit e ka konfirmuar mjeku kujdestar.