Trajneri i Espanyolit: Ju këshilloj ta shijoni Messin

Trajneri i Espanyolit, Rubi ka këshilluar se Lionel Messin duhet shijuar derisa ai vazhdon të luajë, pasi ishte dëshmitar i magjisë së argjentinasit në triumfin e Barcelonës ndaj skuadrës që drejton ai.

Vizitorët bënë punë të mirë për ta mbajtur argjentinasin dhe bashkëlojtarët e tij në Camp Nou.

Megjithatë, në minutën e 71-të, Lionel Messi theu akullin duke shënuar një gol të jashtëzakonshëm nga goditja e dënimit, para se ta dyfishonte epërsinë e Barçës në minutën e fundit të takimit.

“Ju këshilloj ta shijoni Messin derisa vazhdon të luajë”, tha Rubi pas ndeshjes.

“Ai është lojtar shumë i veçantë dhe, kur nuk luan, mund ta vëresh lehtë. Isha me fat ta shikoja atë si trajner për një vit”, shtoi ai duke iu referuar ditëve sa ishte ndihmës i Tito Vilanovas në Barçë.

Lini një Përgjigje