Ka vdekur edhe një person nga koronavirusi, viktima është i moshës 32 vjeçare dhe ishte i shtrirë në Spitalin e Pejës.
Spitali i Përgjithshëm në Pejë i cili po trajton aktualisht 70 pacient me koronavirus, ka njoftuar se një pacient i moshës 32 vjeçare ka vdekur mbrëmë nga koronavirusi, por që kishte edhe sëmundje të tjera shoqëruese.
Ndërsa nga stafi mjekësor nga ky Spital, janë infektuar 5 mjek dhe 11 infermier si dhe 3 punëtor të shërbimit teknik.
Njoftimi i plotë:
Në Spitalin e Përgjithshëm në Pejë aktualisht po trajtohen 70 pacientë me Covid-19. Nga këta pacient 26 pacientë janë në Oksigjeno terapi. 9 pacientë janë në gjendje të rëndë, ndërsa pacientet e tjerë janë në gjendje më stabile.
7 pacientë të infektuar me Covid-19 janë shëruar gjatë 24 orëve të fundit.
Nga personeli i Spitalit 5 Mjek, 11 Infermierë dhe 3 punëtor të shërbimit teknik janë të infektuar me Covid-19.
Një pacient i moshës 32 vjeçare nga Komuna e Pejës i shoqëruar edhe me sëmundje tjetër të rëndë, fatëkeqësisht ka vdekur mbrëmë. I ndjeri ka qenë me diagnozë Covid-19, ka kryer testin por ende nuk ka pasur rezultat.
Spitali i Përgjithshëm në Pejë shpreh ngushëllime familjarëve të të ndjerit.