Vedat Muriqi ishte padyshim njëri prej më meritorëve në fitoren e madhe që “Dardanët” e arritën ndaj Çekisë, duke shënuar një gol.
Sulmuesi i Kosovës është në formë të lartë edhe me Fenerbahçen, duke realizuar dy gola në tri ndeshje, dhe këto paraqitje të mira kanë bërë që Muriqi të tërheq vëmendjen e disa prej klubeve më të mëdha evropiane, shkruan media turke, Hurriyet, transmeton Indeksonline.
Totttenham, Fiorentina, Napoli dhe Lazio janë ekipet e interesuara sipas mediave turke, të cilat mund të sigurojnë shërbimet e yllit të Kosovës në të ardhmen.
Pa dyshim që Vedat Muriqi po kalon një formë jetësore, dhe një interesim i tillë nga ekipe të mëdha të Evropës nuk është çudi.
